Iavnana - იავნანას აქციები

2010 წლის 12 აპრილს თბილისის საკონცერტო დარბაზში ნინო ქათამაძისა და ნიკო გომელაურის პოეზიის საქველმოქმედო საღამო გაიმართა.

ნიკო გომელაურის ლექსებს მისი მეგობრები ზაალ ჩიქობავა, კახა მიქიაშვილი, რატი ამაღლობელი, ზურა ყიფშიძე, მარი კიტია კითხულობდნენ.

კონცერტის დასასრულს მექერიშვილების, ჯგერენაიების და გრიგოლიების მრავალშვილიან ოჯახებს გადაეცა საკუთარი სახლის გასაღები.
ფონდ "იავნანას" ოქროს რაშები გაწეული ქველმოქმედებისათვის გადაეცათ ნინო ქათამაძეს, ნიკო გომელაურს, ნიკა მემანიშვილს და ანზორ ქოქოლაძეს.

3 მარტი. დედის დღე
"იავნანა" 6 წლის გახდა

2010 წლის 3 მარტს ფონდმა "იავნანამ" და "რუსთავი 2" ერთობლივი ტელემარათონი გამართეს, აქცია ასევე გადაიცემოდა ისრაელში მაუწყებელი ქართული ტელეკომპანია ჯი-თი-ვის პირდაპირი ეთერით.

აქველმოქმედო კონცერში მონაწილეობისთვის საქართველოში რამდენიმე დღით ჩამოვიდა მსოფლიოში აღიარებული ტენორი ჯუზეპე ჯაკომინი, მოწვეულ სტუმართან და პაატა ბურჭულაძესთან ერთად მაყურებლის წინაშე წარსდგნენ "იავნანას" მეგობრები და მხარდამჭერები ნანი ბრეგვაძე, ეკა მამალაძე, ნატალია ქუთათელაძე, მაია ჯაბუა, დათო ევგენიძე, ნატო მეტონიძე, რეზო ჩხიკვიშვილი, რომან რცხილაძე, მარიამ როინიშვილი, აჩიკო ნიჟარაძე, მორის ჯანაშვილი, სოფო ხალვაში, სალომე კორკოტაშვილი, მარიკო ებრალიძე, სალომე ბაკურაძე, ანი კეკუა, ნინი შერმადინი, კახი კავსაძე, გივი ბერიკაშვილი, ავთო ცქვიტინიძე, ნანუკა ხუსკივაძე, ნინო კასრაძე, ნიკა მემანიშვილი და ეროვნული სიმფონიური ორკესტრი და გუნდი.

საქველმოქმედო აქცია აგვისტოს ომის დროს დაობლებული 130 ბავშვისათვის ყოველთვიური დახმარების პროექტს და ფონდ "იავნანასადმი" გაგზავნილი ბავშვების ოცნებების ასრულებას მიეძღვნა.

აქციის გენერალური სპონსორი ბაგრატი 1003
ოქროს სპონსორი "ვისოლი"
საინფორმაციო მხარდაჭერა "მედია პალიტრა"

რადიოპარტნიორი ფორტუნა FM 106.9
ტელემარათონის ტექნიკური უზრუნველყოფა კომპანია "ჯეოლაინი"
პროექტი განხორციელდა თბილისის მერიის პატრონაჟით

საქართველო და მსოფლიო ვარსკვლავები ჰაიტის დასახმარებლად

2010 წლის 21 იანვარს ფონდმა "იავნანამ" თბილისის საკონცერტო დარბაზში საქველმოქმედო ტელემარათონი გამართა, რომელშიც პაატა ბურჭულაძესთან ერთად მონაწილეობდნენ საოპერო ვარსკვლავები მიშელ კრაიდერი, მარჩელო ალვარესი და ამბროჯიო მაესტრი. ოპერისა და ბალეტის ორკესტრსა და გუნდს დირიჟორობდა ზაზა აზმაიფარაშვილი.
ტელე-მარათონი ჰაიტიზე მომხდარი მიწისძვრის შედეგად დაზარალებულ ბავშვებს მიეძღვნა.
მაგთის, ჯეოსელის, ბილაინისა და გაერთიანებული ტელეკომის მეშვეობით მაყურებელს საშუალება ჰქონდა ნომერზე 30-30 დაერეკა და მონაწილეობა მიეღო საქველმოქმედო აქციაში. კონცერტის მსვლელობისას შეგროვდა 75 ათასი ლარი.
გაწეული საქველმოქმედო საქმიანობისათვის "იავნანას" ოქროს რაშით დაჯილდოვდნენ ფონდ "იავნანას" მეგობრები მარჩელო ალვარესი, ზაზა აზმაიფარაშვილი და დავით საყვარელიძე.

ოქროს სპონსორი - "ბაგრატიონი"

გენერალური სპონსორი "ვისოლი"
საინფორმაციო მხარდაჭერა მედიაპალიტრა
პროექტის წარმომდგები "ვითიბი" ბანკი და რუსთავი 2
პროექტი განხორციელდა თბილისის მერიის პარტონაჟით

2009

საქველმოქმედო ფონდმა "იავნანამ" 20 ოქტომბერს მსოფლიო ვარსკვლავებს უმასპინძლა

2009 წლის 20 ოქტომბერს თბილისის სახელმწიფო საკონცერტო დარბაზში ფონდმა “იავნანამ” საქველმოქმედო კონცერტი გამართა. მსოფლიოში აღიარებული პროექტით - "3 ტენორი" მაყურებლის წინაშე ნიუ-იორკის მეტროპოლიტენ ოპერის, ლა-სკალასა და ლონდონის კოვენტ გარდენის იტალიელი სოლისტები – მარკო ბერტი, პიერო ჯულიაჩი და ცნობილი ქართველი მომღერალი ბადრი მაისურაძე წარსდგნენ. თბილისის ოპერისა და ბალეტის თეატრის ორკესტრს დირიჟორობდა ზაზა აზმაიფარაშვილი. საქველმოქმედო კონცერტი გადაიცემოდა ტელეკომპანია “მზისა” და I სტერეოს და საქართველოს რადიოს პირდაპირი ეთერით. კონცერტის მსვლელობისას ჯეოსელის, მაგთისა და ბილაინის აბონენტებს საშუალება ჰქონდათ მონაწილეობა მიეღოთ საქველმოქმედო აქციაში.
ნომერზე 30-30 დარეკვის შედეგად შემოსული 50 ათასი ლარი აგვისტოს ომის დროს დაობლებულ ბავშვებს მოხმარდება. მათ კიდევ 6 თვით გაუგრძელდებათ ყოველთვიური დახმარება, რომელიც ფონდმა 2008 წლის სექტემბერში დაიწყო.

2009 წლის 14 ივლისს კულტურის, ძეგლთა დაცვისა და სპორტის სამინისტროსა და ისტერნ პრომოუშენის თანადგომით ქ.თბილისის ოპერისა და ბალეტის თეატრში ევროპის საუკეთესო სოლო-მომღერალმა ქეთი მელუამ საქველმოქმედო კონცერტი გამართა.
კონცერტის დასასრულს საკუთარი სახლის გასაღები გადაეცა მრავალშვილიან დედას ლელა ჩილაშვილს, რომელიც 7 ბავშვთან ერთად სხვის, საცხოვრებლად გამოუსადეგარ სახლში ცხოვრობდა.
მეორე საქველმოქმედო კონცერტი ქეთი მელუამ 2009 წლის 15 ივლისს ბათუმის ბულვარში, ღია ცის ქვეშ გამართა. ამჯერად საკუთარი სახლის გასაღები გადაეცა 7 შვილის დედას მზია ურუშაძეს.
პროექტის მედიაპარტნიორი რუსთავი 2.

2009 წლის 6 მაისს ქ. თბილისის ოპერისა და ბალეტის თეატრში საქველმოქმედო კონცერტი გამართა უდიდესმა იტალიელმა ბარიტონმა ამბროჯიო მაესტრიმ და მსოფლიოს წამყვანი საოპერო თეატრების სოლისტმა თამარ ივერმა. საქველმოქმედო აქციის მსვლელობისას 3 მარტის ტელემარათონის შედეგად შემოსული თანხით შეძენილი სახლის გასაღებები გადაეცათ 7 შვილის დედას თეა თავაძეს, 7 შვილის დედას ალიონა მუმლაძეს, ჯანაშიების მრავალშვილიან ოჯახს, 10 შვილის დედას მაია კახელაძეს, დავით კოდუას მიერ შეძენილი სახლი გადაეცა დეკანოზ გიორგი ჯიბუტის 9 შვილიან ოჯახს.

2009 წლის 3 მარტს პაატა ბურჭულაძის საერთაშორისო საქველმოქმედო ფონდმა "იავნანამ" დაარსებიდან 5 წლის იუბილეს გალა-კონცერტითა და გრანდიოზული ტელემარათონით აღნიშნა, რომლის ტრანსლირებაც რუსთავი 2-ის პირდაპირი ეთერით მოხდა.
სამი საათის განმავლობაში ქართველმა მაყურებელმა კიდევ ერთხელ იხილა საუკეთესო ნომრები "იავნანას" კონცერტებისდან ლეგენდარული მსახიობებისა და მომღერლების შესრულებით. პროექტში მონაწილეობა მიიღეს: მედეა ჩახავამ, ნანი ბრეგვაძემ, ბუბა კიკაბიძემ, კახი კავსაძემ, გურამ საღარაძემ, გივი ბერიკაშვილმა, ზინა კვერენჩხილაძემ, ნატო მეტონიძემ, "ქართულმა ხმებმა" და სხვა. კონცერტში მონაწილეობის მისაღებად ერთი დღით ჩამოვიდა მსოფლიოში აღიარებული სოპრანო მიშელ კრაიდერი.

2009 წლის 4 იანვარს პააატა ბურჭულაძის საქველმოქმედო ფონდმა "იავნანამ" საქველმოქმედო კონცერტი გამართა მსოფლიოში აღიარებული ქართველი სოლისტების მონაწილეობით. ჯუზეპე ვერდის ცნობილი ოპერა "ნაბუქო" თბილისის ოპერის თეატრში პირველად შესრულდა (საკონცერტო შესრულება) და მიეძღვნა სრულიად საქართველოს კათოლიკოს-პატრიარქის, უწმიდესისა და უნეტარესის ილია II-ის დაბადების დღეს.
დიდი მღვდელმთავარის ზაქარიას პარტია პაატა ბურჭულაძემ შეასრულა, პროექტში მონაწილეობისთვის მხოლოდ ერთი დღით მთელი მსოფლიოდან ჩამოვიდნენ აღიარებული ქართველი სოლისტები ზურაბ სოტკილავა, ლადო ათანელი, ნინო სურგულაძე და ნანა ქავთარაშვილი.
თბილისის ოპერისა და ბალეტის თეატრის სიმფონიურ ორკესტრს დირიჟორობდა ზაზა აზმაიფარაშვილი. კონცერტში მონაწილეობდა ოპერისა და ბალეტის თეატრის გუნდი.
შემოსული თანხა ობოლ და მშობლების მზრუნველობასმოკლებულ ბავშვებს მოხმარდა. საღამოს დასასრულს, სოციალურად დაუცველ მრავალშვილიან 2 ოჯახს გადაეცა ბინის გასაღები.
4 იანვრიდან ოზურგეთის რაიონის, სოფელ ცხემლისხიდში საკუთარ სახლში ცხოვრობს ძაგანიების 7 შვილიანი ოჯახი. მრავალშვილიან ოჯახს სახლის გასაღები საქველმოქმედო საღამოს მასპინძელმა კობა ნაყოფიამ გადასცა. ქურიძეების 10 შვილიანი ოჯახისათვის საკუთარი სახლი საღამოს გენერალურმა სპონსორმა "შირნხოფერმა" შეიძინა ქალაქ ლანჩხუთში.
საქველმოქმედო აქციის მხარდამჭერი კომპანია "ელიტ ელექტრონიქსი"
პროექტის მასპინძლები კომპანია "ვისოლი" და "ახალი ქსელები"

ნოდარ დუმბაძე 80 წლის იუბილე

2008 წლის 25 დეკემბერს პაატა ბურჭულაძის საერთაშორისო საქველმოქმედო ფონდმა "იავნანამ" მარჯანიშვილის თეატრში დიდი ქართველი მწერლის ნოდარ დუმბაძის 80 წლის იუბილესადმი მიღვნილი საღამო გამართა, რომელშიც მონაწილეობდენ პაატა ბურჭულაძე, მედეა ჩახავა, გივი ბერიკაშვილი, ოთარ მეღვინეთუხუცესი, გია ბურჯანაძე, ნინელი ჭანკვეტაძე, ზაზა კოლელიშვილი, სულიკო კოროშინაძე, დიმა ჯაიანი, ჯანსუღ ჩარკვიანი, დათო გელაძე და სხვა.
პროექტში მონაწილეობის მისაღებად თბილისში ჩამოვიდა ჰოლივუდში მოღვაწე ქართელი მსახიობი ლევან უჩანეიშვილი.
შემოსული თანხა მზრუნველობამოკლებულ ბავშვებს მოხმარდა, საღამოს დასასრულს ბინის გასაღები გადაეცა სოციალურად დაუცველ 9 შვილიან ანდღულაძეების ოჯახს. 25 დეკემბრიდან ოჯახი ცხოვრობს ნოდარ დუმბაძის მშობლიურ სოფელში და შვილებს აღარასოდეს მოუწევთ დედასთან განშორება.

"მითანა" პროექტის პარტნიორი.

პროექტის წარმომდგენი ელიტ ელექტრონიქსი.

25 სექტემბერს სპორტის სასახლეში გრანდიოზული საქველმოქმედო აქცია გაიმართა

25 სექტემბერს აგვისტოს მოვლენების შედეგად დაობლებული ბავშვების დასახმარებლად მსოფლიოში აღიარებული საოპერო მომღერლებმა ვერდის "რექვიემი" შეასრულეს. აქციაში პაატა ბურჭულაძესთან ერთად მონაწილეობდნენ ოლგა რომანკო-პრიმავერა (სოპრანო), ლუჩიანა დინტინო (მეცო-სოპრანო), რამონ ვარგასი (ტენორი)
პროექტის ორგანიზატორები – ფონდი "იავნანა", "თი ბი სი" ფონდი, ელიტ-ელექტრონიქსი, საქართველოს კულტურის, ძეგლთა დაცვისა და სპორტის სამინისტრო და თბილისის მერია.

თბილისის ოპერისა და ბალეტის თეატრში პაატა ბურჭულაძის სასცენო მოღვაწეობის 30 წლისადმი მიძღვნილი საქველმოქმედო კონცერტი გაიმართა. კონცერტში მონაწილეობდა სანქტ-პეტერბურგის ფილარმონიის სიმფონიური ორკესტრი ლეგენდარული იური ტემირკანოვის ხელმძღვანელობით.
საქველმოქმედო კონცერტის დასასრულს 4 მრავალშვილიან ოჯახს საკუთარი სახლის გასაღები გადაეცა. "ვითიბი" ბანკის სამეთვალყურეო საბჭოს თავმჯდომარე ზაზა სიორიძემ 6 შვილის დედას ლელა გეგეშიძეს შეუძინა საკუთარი სახლი. სიგუების მრავალშვილიან ოჯახს ბინა გადასცა სააქციო საზოგადოება "მადნეულის" გენერალურმა დირექტორმა მანუჩარ ახალაიამ. მრავალშვილიან დედას ირინა კვაჭაძეს, თი-ბი-სი ჯგუფის პრეზიდენტის მამუკა ხაზარაძის სახელით ბინის გასაღები "თი-ბი-სი" ჯგუფის პარტნიორი კომპანია "ჯი-არ-დი-სის" წარმომადგენელმა თამარ კირვალიძემ გადასცა. ფონდ "იავნანას" ერთგული მეგობრის გიორგი თავაძის მიერ შეძენილი ბინის გასაღები 6 შვილის დედას მარიკა მამაიაშვილს მაესტრო იური ტემირკანოვმა გადასცა.
მაია თომაძის სახელობის სტიპენდია დაენიშნა თბილისის სახელმწიფო კონსერვატორიის სტუდენტებს სოფო მჭედლიშვილსა და გოჩა აბულაძეს. სტიპენდიები დააწესა მაია თომაძის ვაჟმა გიორგი რუხაძემ.
ფონდ იავნანას მეგობრების ნადია და ალექსის სიკორსკების მიერ ნაჩუქარი კომპიუტერები საქართველოს სხვადასხვა უმაღლესი სასწავლებლის წარჩინებულ სტუდენტებს გადაეცათ.
საქველმოქმედო კონცერტიდან მიღებული შემოსავლის ნაწილი ნიჭიერი ახალგაზრდა პიანისტის დავით ალადაშვილის სწავლის დაფინანსებას მოხმარდა. ის არის პირველი ქართველი პიანისტი, რომელიც ჯულიარდის კონსერვატორიაში ისწავლის.

2 მაისს ფონდმა "იავნანამ" საქველმოქმედო კონცერტი ქალაქური მელოდიები ქუთაისის ლადო მესხიშვილის სახელობის დრამატულ თეატრში გამართა. კონცერტში მონაწილეობდნენ მედეა ჩახავა, გურამ საღარაძე, კახი კავსაძე, ბუბა კიკაბიძე, უფროსი თაობის "ქართული ხმები".ფონდის აქციაში ამჯერად, ქუთაისელი მაყურებელი იღებდა მონაწილეობას. საღამოს დასასრულს ბინის გასაღები გადაეცა სოციალურად დაუცველ 7 შვილიან დიდბარიძეების ოჯახს. მშობლებს უსახლკარობისა და მძიმე პირობების გამო, ბავშვთა სახლში ჰყავდათ შვილები მიბარებული. 2 მაისიდან ბავშვებს საკუთარი სახლი აქვთ და მათ აღარასოდეს მოუწევთ დედასთან განშორება. მრავალშვილიან ოჯახს ასევე საჩუქრად გადაეცა საყოფაცხოვრებო ნივთები. 6 წარჩინებულ სტუდენტს საჩუქრად გადაეცა კომპიუტერი.
საქველმოქმედო კონცერტს ესწრებოდა ფონდის მეგობარი, სახელგანთქმული გალინა ვიშნევსკაია ქალიშვილ ოლგა როსტროპოვიჩთან ერთად.
პროექტის მასპინძელი გახლდათ იავნანას აქტიური მხარდამჭერი, მეცენატი ბადრი კაკაბაძე.